Prezident Ovu, Çingiz Abdullayev

Prezident Ovu, Çingiz Abdullayev
Marka: Qanun nəşriyyatı
Məhsul kodu: 01009
Anbar vəziyyəti: Anbarda var
ƏDV daxil: 3.90AZN
ƏDV xaric: 3.90AZN
Miqdar:  
   ya da   

Dronqo öz rəhbərliyindən son dərəcə çətin bir tapşırıq alır: sızan məlumatlara görə, Latın Amerikasında fəaliyyət göstərən cinayətkar təşkilat şərti «X günü» adlı dəhşətli bir aksiya hazırlamaqdadır. Lakin təşkilatın konkret harda yerləşdiyi və aksiyanın nə məqsəd güddüyü, onun haçan və hansı ölkədə həyata keçiriləcəyi dəqiq bilinmir. Bu səbəbdən də Dronqo İnterpolun məxfi agentlərinin müşayiəti altında Riçard Saunders adıyla fəaliyyətə başlamalı olur.

Riçard Saundersə müxtəlif ölkələrdə çalışmaq və təşkilatın izinə düşüb planlaşdırılan aksiyanın qarşısını almaq lazım gəlir. İlk baxışda nə qədər ağlasığmaz görünsə də, yüksək peşəkarlığa malik olan Dronqo bu çətin vəzifəni məharətlə yerinə yetirir. O, narkomafiya şəbəkəsinin maliyyə dəstəyi hesabına Çilinin ucqarında «Şeytan legionu» adı altında fəaliyyət göstərən terror düşərgəsinin mövcud­lu­ğunu üzə çıxarır və Nyu-Yorkda keçiriləcək BMT Baş Assambleyasının iclasında dünyanın superdövlətlərinin – ABŞ-ın və SSRİ-nin – bir neçə başçısına qarşı hazırlanmış sui-qəsdin qarşısını almağa müvəffəq olur.

Təbii ki, bu asan başa gəlmir. Prezident ovuna çıxan və qanlı caynaqları hər yerə çatan narkomafiya öz niyyətini yerinə yetirmək məqsədilə Dronqonun ölümünə hökm verir və peşəkar muzdlu qatillər dünyanın hər bucağında – Stokholmda, Vyanada, Afinada, Romada, Rio-de-Janeyroda, Asunsonda, Santyaqoda, Buenos-Ayresdə, Nyu-Yorkda Dronqonun özünün ovuna çıxırlar. Buna görə də müxtəlif adlar altında çalışmağa məcbur qalan Dronqo bir neçə dəfə ölüm təhlükəsindən möcüzə nəticəsində xilas olur.

Amma xilas olurmu?

Aksiyanın qarşısı alınır, terrorçuların «X günü» planı ifşa olunur və qatillər hamısı məhv edilir. Sanki hər şey başa çatmış kimidir. Elə bu zaman BMT Katibliyinin binası qarşısındaca naməlum qadın Dronqoya üç atəş açır. Dronqo ölümcül vəziyyətdə xəstəxanaya çatdırılır. Amma ölümdən xilas ola bilirmi?

Şərh yaz

Adınız:


Şərhiniz: Qeyd: HTML'ə çevrilə bilməz!

Səsvermə: Pis            Yaxşı

Təsdiqləmə kodunu daxil edin:



KİTABEVİM.AZ | Kitab və ofis ləvazimatlarının satışı © 2018
PROYEKT.AZ heyəti tərəfindən hazırlanmışdır.