Eva virusu, Tural Atəş

Eva virusu, Tural Atəş
Marka: Digər nəşriyyatlar
Məhsul kodu: 26323
Anbar vəziyyəti: Anbarda var
ƏDV daxil: 7.00AZN
ƏDV xaric: 7.00AZN
Miqdar:  
   ya da   

“…Cəmiyyətdə uçuruma yuvarladığımız hər adam, uzatdığı əli tutmadığımız hər köməksiz, məhv olmasına laqeyd baxdığımız hər çarəsiz, ədalətsizlik etdiyimiz hər haqlı canavara, insanların potensial düşməninə çevrilir…”

Bu fikirlər gənc yazıçı Tural Atəşin yeni çap olunan “Eva virusu” romanındandır. Bakıda “Pergament” nəşriyyat evində işıq üzü görən əsərdə çağdaş dünyamızın problemləri əks olunub. Texnologiya-insan qarşıdurması bir mübarizəyə dönür, əsər də məhz bu mübarizədən doğan fəsadla – maraqla başlayır.

Bilim-qurğu janrında ədəbiyyatımızda ilk nümunə kimi dəyərləndirilən “Eva virusu” comərd insanların, həqiqi aşiqlərin, parlaq zəkaların hekayəsidir. Əsərdə dünyanın böyük güclərinin insanları idarə etmək üçün törətdikləri cinayətlər, bu kontekstdə CIA-in iç üzü açılır. Texnologiyanın son nailiyyətlərinə sahib təşkilatların insanlar üzərində daha böyük təsirə malik olmaq üçün heç nədən çəkinmədikləri, qorxunc eksperimentlər aparması oxucunu dəhşətə salır. İnsanlığı basqıda saxlamağa, əzməyə yönəlmiş bu əməllərə qarşı mübarizə əsərin əsas obrazları Panın Lilitlə ittifaqa girməsindən sonra daha effektiv xarakter almağa başlayır. Dünyanı idarə edən güclərə qarşı bu iki insanın ideoloji ittifaqı dərin bir sevgiyə dönərək daha da möhkəmlənir. Həyatlarını riskə atan iki “günahkar” adamları bu çirkin oyundan xilas etmək üçün təhlükəli, çox cəsur gedişlər edir.

Romanda vurğulanır ki, bəzən insanın tərəddüdləri qarşısına qoyduğu hədəf arasında keçilməz divara çevrilir. Qismət sadəcə insanların həyatın məsuliyyətini boyunlarından atma şəklidir. Qismətə inananlar özləri öz yollarını cızmaq yerinə başqalarının müəyyənləşdirdiyi yolla getməyi seçirlər…

Bütün gərginliklərə baxmayaraq, əsərin müsbət sonla başa çatması oxucuda ruh yüksəkliyi, həyata sevgi, gələcəyə, yaxşılığa inam yaradır. “Eva virusu” yalnız bədii əsər deyil, modern dünyamızın özüdür.

Şərh yaz

Adınız:


Şərhiniz: Qeyd: HTML'ə çevrilə bilməz!

Səsvermə: Pis            Yaxşı

Təsdiqləmə kodunu daxil edin:



Etiketlər: Eva virusu, Tural Atəş,
KİTABEVİM.AZ | Kitab və ofis ləvazimatlarının satışı © 2018
PROYEKT.AZ heyəti tərəfindən hazırlanmışdır.