Blog
Dünyada kitab və onun izləri
Dünyada kitab və onun izləri Kitablar insanlığın ortaq mirasıdır. Dünyanın hər yerində kitablar yalnız məlumat mənbəyi deyil, həm də mədəniyyətləri bir-birinə bağlayan körpüdür. Kitabın dünyadakı yerinə, maraqlı faktlara və kitab mədəniyyətinə qısa bir səyahət edək. Dünyanın ən böyük kitabxanaları Nyu-Yorkdakı Dövlət Kitabxanası, Londondakı British Library və dünyanın digər nəhəng kitabxanaları milyonlarla əsəri qoruyub saxlayır. Bu kitabxanalar yalnız kitabların saxlandığı məkanlar deyil, həm də dünya mədəniyyətinin mühüm mərkəzləridir. Ən çox oxunan kitablar Müxtəlif ölkələrdə oxucuların seçimləri fərqli olsa da, bəzi əsərlər bütün dünyada sevilir. “Balaca şahzadə”, “1984”, “Kimyagər” kimi kitablar müxtəlif nəsillərin oxucuları arasında böyük maraq qazanıb. Kitabların cəmiyyətə təsiri Kitablar insanlara yeni baxış bucağı qazandırır, fərqli mədəniyyətləri tanıdır və daha dərindən düşünən cəmiyyətin formalaşmasına kömək edir. Bir kitab bəzən insanın dünyagörüşünü, düşüncəsini və hətta həyat istiqamətini dəyişə bilər. Maraqlı faktlar Dünyada hər il təxminən 2 milyard kitab satılır. Ən çox kitab oxuyan ölkələr siyahısında Yaponiya ön sıralardadır. İlk mexaniki çap kitabları XV əsrdə İohann Qutenberqin mətbəəsi ilə geniş yayılmağa başladı. Dünyada milyonlarla müxtəlif kitab mövcuddur. Kitab dünyanı necə dəyişir? Kitab oxumaq sadəcə məlumat əldə etmək deyil. Kitab vasitəsilə biz başqa ölkələri, xalqları, dövrləri və insanların düşüncə tərzini tanıyırıq. Bəzən bir kitab dünyanın digər ucuna səyahət etmədən bizi oraya apara bilir. “Yaxşı bir kitab, insanı oturduğu yerdən dünyanı gəzdirməyə qadirdir.” — Jül Vern
Blog
Bonus +
Kartdan yalnız qeydiyyata alınmış şəxs istifadə edə bilər, məlumatlarınız məxfiliyi qorunur və digər şəxslərə ötürülmür. Əlaqə məlumatlarınızın götürülməsinin kampaniyalar məlumatlandırmaq üçündür. Kart 10% endirim və 2% bonus verir. Qeyd: Bonus + kartları kampaniya günlərində keçərli deyil. Ətraflı məlumat üçün kassaya müraciət edin.
Blog
Regionun ən böyük kitab festivalı qayıdır
Regionun ən böyük kitab festivalı qayıdır “Azərbaycan Mədəniyyəti-2040” Azərbaycan Respublikası Mədəniyyət Konsepsiyasına uyğun olaraq, Mədəniyyət Nazirliyinin təşkilatçılığı ilə regionun ən böyük kitab festivalı - 12-ci Bakı Beynəlxalq Kitab Sərgisi bu il 21-27 oktyabr tarixində Bakı Ekspo Mərkəzində kitabsevərlərin görüşünə gələcək. “Həyat ekrandan böyükdür: bir uşaq, bir kitab, bir gerçək dünya” mövzusuna həsr olunan sərgi uşaqlarda mütaliə mədəniyyətinin formalaşdırılması, kitaba marağın gücləndirilməsi və onların faydalı vərdişlərə təşviq olunması məqsədini hədəfləyir. Sərgi ənənəvi olaraq hər il zəngin proqramı və geniş əməkdaşlıq imkanları ilə çox sayda yerli və beynəlxalq nəşriyyat və poliqrafiya müəssisələrini, kitab mağazaları və sahəvi yaradıcılıq təşkilatlarını bir araya gətirir. Dünyaca tanınmış yazarlar və tədqiqatçı-alimlərin iştirakı ilə fərqli formatda təqdimatlar, müəlliflik hüququ sahibləri ilə çoxsaylı görüşlər və 7 gün ərzində ədəbi-bədii proqram sərgini hər kəs üçün ilin ən gözlənilən ədəbi-mədəni hadisəsinə çevirir. Hazırda sərgiyə qeydiyyat davam edir. Sərgiyə iştirakçı qismində qatılmaq üçün aşağıdakı elektron ünvana müraciət edə bilərsiniz: bakubookfair@culture.az Oxucular sərgiyə ziyarətçi qismində qatıla biləcəklər. Azərbaycan Respublikası Mədəniyyət Nazirliyi
Blog
YAXŞI KİTABLAR HAMI ÜÇÜNDÜR...
Yəqin siz də çevrənizdə qavrayışı yaxşı olan, amma dərslərinə fikir verməyən şagird haqqında bu ifadəni tez-tez eşidirsiniz: “Başı var, amma oxumur...” Bəs o uşaq niyə oxumur? Niyə zirək, ağıllı görünən bir uşaq öz potensialını ortaya qoya bilmir? Səbəb nədir, problem nədədir? Nöqsan məktəbdə, müəllimdə, təhsil sistemdə, tədrisin təşkilində, uşağın özündə, yoxsa ümumən yanaşma və düşüncə tərzindədir? Olduqca ciddi suallardır və dünən internetdə "Başı var, amma oxumur" adlı kitab haqda məlumat oxuyanda bu suallar içimdə yenidən baş qaldırdı. Gün ərzində axtarıb həmin kitabı tapdım və dərhal da oxumağa başladım. Oxuduqca da çoxlarımızı düşündürən bir çox sualların kitabda necə məharətlə cavablandırıldığına heyran oldum. Kitab haqqında geniş yazmaq niyyətindəyəm, amma indi burada ilkin təəssüratımı sizinlə bölüşmək istədim. Kitabın ən önəmli cəhəti odur ki, alışdığımız ənənəvi pedaqoji vəsaitlərdəki kimi elmi sitatlar və öyüd-nəsihətlər üzərində qurulmayıb, real həyati faktlar əsasında yazılıb. Yəni müəllif “Başı var, amma oxumur” problemini araşdırarkən öz pedaqoji təcrübəsinə, məktəbdə, sinifdə, müəllim otağında və valideyn görüşlərində şahidi olduğu hadisələrə söykənərək təhsilimizin ağrılı nöqtələrinə toxunmağa çalışıb. Ona görə də kitabda müəllimlik, valideynlik, məsuliyyət və gələcək haqqında real hekayələr, müşahidələr, pedaqoji təhlillər və bəzən özümüzə verməkdən çəkindiyimiz xeyli düşündürücü suallar yer alıb. Müəllif bu suallara hazır cavablar verməkdən daha çox, bizi illərdir adiləşdirdiyimiz problemlərə yenidən baxmağa və özümüzə çətin suallar verərək düşünməyə çağırır. Bu mənada kitabı müəllifin təhsilimizə, məktəbimizə, Ana dilimizə və gələcəyimizə ünvanladığı səmimi, cəsarətli və ümid dolu söhbətləti kimi də qəbul etmək olar. Kitab Hədəf STEAM Liseyinin qurucusu və “Hədəf konsepti”nin müəllifi, yazıçı-publisist Şəmil Sadiqin 30 illik pedaqoji təcrübəsi və təhsil sahəsində apardığı sistemli araşdırmalarının bəhrəsidir. Əsərdə “Hədəf Konsepti”, “Təhsil dairəsi” modeli və Sinqapur, Finlandiya, Yaponiya, Estoniya, Cənubi Koreya kimi ölkələrin təhsil sistemləri müqayisəli şəkildə təhlil olunur. Müəllif real həyat nümunələri və yaşanmış konkret situasiyalar vasitəsilə müasir təhsildə əsas problemin bilik yox, düşüncə tərzi və strateji baxış çatışmazlığı olduğunu göstərir. “Milli kimlik və təhsil”, “Təhsildən nə istəyirik?” və “Dünənin adamı bu günə sabahı öyrədir” adlı üç maraqlı fəsildən ibarət olan kitab hamı üçün, ilk növbədə isə pedaqoqlar və təhsil siyasəti ilə məşğul olanlar üçün tam yeni düşüncə ilə yazılmış gərəkli vəsaitdir. Bu kitabı alıb oxuyan çox şey qazanacaq... Professor Qulu Məhərrəmli
Blog
2026-cı ildə oxunmalı olan 10 bestseller kitab
Bu il ən çox satılan və oxucular tərəfindən yüksək qiymətləndirilən kitablar haqqında ətraflı icmal və tövsiyələr...
Blog
Uşaqlar üçün ən yaxşı inkişaf etdirici kitablar
Uşaqlarınızın intellektual inkişafına kömək edəcək və onlarda kiçik yaşdan kitabsevərlik yaradacaq ən yaxşı əsərlər...